Meksika senati marhumlarning tana a'zolaridan avtomatik ravishda foydalanishni ma'qulladi 

Meksika senati 3 aprelda barcha balog‘atga yetgan marhumlarni avtomatik ravishda donor qatoriga kiritishni ko‘zda tutuvchi sog‘liqni saqlash tizimi islohotini ma'qulladi. 

“Sog‘liqni saqlash haqidagi umumiy qonunning tana a'zolar donorligi qismini isloh qilish bo‘yicha qaror 75 ta ovoz bilan ma'qullandi. Bir kishi qarshi chiqdi, bir kishi betaraflik bildirdi”, deb aytilgan senat xabarida.

Islohotga ko‘ra, tibbiy qarshi ko‘rsatmalar bo‘lmaganda o‘lgan odamlarning tana a'zolari va to‘qimalari donorlik maqsadida avtomatik ravishda, ular yaqinlarining roziligisiz olinishi mumkin.

Bu qoidadan yagona istisno marhum o‘limigacha uning tana a'zolari ko‘chirib o‘tkazish uchun qo‘llanishiga rozi emasligini bildirgan yozma hujjat hisoblanadi.

Meksikada 18 yoshga yetganlar balog‘atga yetganlar hisoblanadi. Yangi o‘zgarishlar kuchga kirishi uchun endi deputatlar palatasida ma'qullanishi kerak.