Ispaniyada 9 nafar nemis velosipedchisini mashina bosib ketdi

Ispaniyaning Mayorka orolida bir guruh velosipedchilarni avtomobil urib ketdi. Buning oqibatida 9 nafar germaniyalik jarohat oldi. Bu haqda ABC nashri xabar bermoqda. 

Nashr ma'lumotlariga ko‘ra, voqea Kapdepera viloyatida 5 aprel ertalab yuz bergan. Porsche Cayenne avtomobili haydovchisi noma'lum sabablarga ko‘ra velosipedchilarni bosib ketgan. Mashina rulida 30 yoshlar atrofidagi ispaniyalik bo‘lgan. 

“9 velosipedchidan ikki nafari jiddiy, 7 nafari yengil jarohat olgan”, deb ma'lum    qilgan nashr.

Jarohatlanganlarga tibbiy yordam ko‘rsatilgan. Yo‘l politsiyasi voqea tafsilotlarini o‘rnatish uchun tergov boshlagan.