Panama va Venesuela ham sanksiyalar almashishni boshladi

Panama hukumati seshanba, 10 aprel kuni, Venesuela aviakompaniyalariga mamlakatda ishlashni taqiqladi. Bu Venesuela hukumati tomonidan xuddi shunday taqiqqa javoban yuz berdi.

«Vazirlar mahkamasi kengashi Panamada ishlovchi Venesula aviayo‘nalishlari: Aeropostal Alas de Venezuela, Avior Airlines, Conviasa, Linea Aerea de Servicio Ejecutivo, Regional, Laser, Rutas Aereas de Venezuela, Santa Barbara Airlines, Turpial Airlines’ga yo‘lovchi va yuk transporti xizmati ko‘rsatish bo‘yicha taqiq joriy etish haqida topshiriq berdi», - deya ma'lum qilingan Panama hukumati xabarida.

Eslatib o‘tamiz, avvalroq Panama va Venesuela o‘rtasidagi siyosiy munosabatlar o‘ta keskinlashgani xabar qilingandi.