Telekommunikatsiya tarmoqlarini qurish bo‘yicha litsenziya berishda qator hujjatlarni taqdim etish bekor qilinadi 

2018 yilning 1 iyunidan telekommunikatsiya tarmoqlarini loyihalash, qurish, ekspluatatsiya qilish va xizmat ko‘rsatish sohasida litsenziya berishda qator hujjatlarni taqdim etish bekor qilinadi. Bu "Tadbirkorlik faoliyati sohasidagi litsenziyalash va ruxsat berish tartib-taomillarini yanada qisqartirish va soddalashtirish, shuningdek biznes yuritish sharoitlarini yaxshilash chora-tadbirlari to‘g‘risida"gi farmonda belgilab qo‘yilgan.

Xususan, ariza beruvchidan quyidagilar hujjatlarni taqdim etish talabi bekor qilinadi: 

yuridik shaxs davlat ro‘yxatidan o‘tgani to‘g‘risidagi guvohnoma nusxasi;

loyiha, qurilish ishlarini bajarish uchun kerakli bo‘lgan normativ-huquqiy hujjatlar;

tegishli organlarning sanitariya, yong‘in xavfsizligi normalari talablariga muvofiqlik to‘g‘risidagi xulosasi;

loyihalash, telekommunikatsiya tarmoqlarini qurish bo‘yicha mutaxassislardan oliy ma'lumot to‘g‘risidagi diplom va mehnat daftarchasi nusxasi.