Rossiya sportiga aloqador yana bir yirik doping mojaro yuz berishi mumkin

Germaniyalik jurnalist Xayo Zeppeltning bildirishicha, rossiyalik sportchilar tomonidan dopingga qarshi qoidalarning buzilishiga aloqador yangi ma'lumotlar paydo bo‘ladi.

«Hali ko‘pchilik bir narsani tushunib yetmadi: Rossiya mojarosi haqida yanada ko‘proq ma'lumot paydo bo‘ladi. Bu juda katta oqibatlarni keltirib chiqaradi.

Rossiyada yillar davomidagi doping ko‘lami: to‘qqiz mingta ijobiy doping namuna, taxminan 4,5 ming sportchi 60ta xalqaro federatsiyada tekshiruvdan o‘tkazilmoqda. Juda keng miqyosda chetlashtirishlar yuz berishi kutilyapti», - deya yozgan Zeppelt tvitterdagi sahifasida.