Eronlik og‘ir atletikachi qizlar ilk marta xalqaro musobaqada qatnashadi, u Urganchda bo‘lib o‘tadi

Og‘ir atletika xalqaro federatsiyasi (IWF) Eron ayollar terma jamoasi musobaqalarda ishtirok etuvchilar ro‘yxatiga kiritilgani haqida e'lon qildi. Bu haqda tashkilot matbuot xizmati xabar bermoqda.

Eronlik sportchi qizlar O‘zbekistonning Urganch shahrida bo‘lib o‘tadigan o‘smirlar o‘rtasida 2018 yilgi Osiyo chempionatida qatnashadi. Musobaqada 22 davlatdan keladigan 248 og‘ir atletikachi ishtirok etadi.

O‘smirlar o‘rtasidagi Osiyo chempionati Buenos-Ayresda bo‘lib o‘tadigan 2018 yilgi O‘smirlar o‘rtasidagi Olimpiya o‘yinlariga saralash bosqichi bo‘ladi.

Shu tariqa, eronlik og‘ir atletikachi qizlar ilk marta xalqaro musobaqalarda qatnashadi. Bunga qadar Eron ayol fuqarolarga og‘ir atletika bo‘yicha ayollar o‘rtasidagi musobaqada qatnashish taqiqlangan davlatlardan biri edi.