Dubaydagi Queen Elizabeth II layneri bortida 244 ta nomerli  mehmonxona ochildi (fotojamlanma)

Dubaydagi Britaniya qirollik layneri bortida 244 ta nomer, restoranlar, do‘konlar, kinoteatrlar, kazino va golf maydoniga ega besh yulduzli mehmonxona ochildi.

Kema restavratsiyasida dizaynerlar maksimal darajada qadimiy mebel va boshqa original detallarni saqlab qolishga harakat qilishgan, shu bilan birga, kema eng yangi texnologiyalar bilan jihozlangan. Bort restoranlaridan birida 1969 yilgi retseptlar bo‘yicha Britaniya taomlari sotiladi.

Queen Elizabeth II 1967 yilda suvga tushirilgan, o‘shandan buyon u mashhur kishilar va monarxlar ko‘p marta sayohat qilgan dunyodagi eng mashhur sayyohlik layneri hisoblangan. 

Kema faoliyati to‘xtaganidan so‘ng CFC mehmonxonalar tarmog‘i kemani sotib olib, uni BAAga yo‘llagan.

Kema modernizatsiyasiga 10 yil va 500 million dollar sarflangan.