81 yashar Elmurod bobo velosipedda sayohatga chiqdi: maqsad Qirg‘izistonni aylanish (video)

Hayotlar turfa xil. Hayotlar juda rang-barang. Ya'ni inson hayoti... Bloger Sanjar Said tomonidan taqdim etilgan navbatdagi videoda buning guvohi bo‘lish mumkin.

Surxondaryolik 81 yoshli Elmurod bobo Choriyev Qirg‘izistonga velosipedda yo‘l olibdi. Bobo Toshkentga 8 kunda yetib kelibdi. Bu haqda otaxonning o‘zi shunday deydi:

- Biz o‘qigan davrda o‘rta maktablarning masofasi juda uzoq bo‘lardi. Biz o‘sha yerlarga borib qatnar edik. Yoshligimdan velosipedga qiziqaman. Mana, bugun uzoq sayohatga yo‘l oldim. Yo‘lma yo‘l ovqatlanish uchun to‘xtagan choyxonalarimda, pul olmaganlari ham bo‘ldi. Mo‘ljalim Qirg‘izistongacha borish. 1958 yili O‘sh shahrida bo‘lganman. Hozir ham shu yerlarni aylanishni maqsad qilganman.