YTH natijasida piyodaning o‘limiga sabab bo‘lib, voqea joyidan qochib ketgan haydovchi qidirilmoqda

Farg‘ona shahrida mudhish yo‘l-transport hodisasi ro‘y berdi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.

Ma'lum bo‘lishicha, 25 aprel kuni soat 23.20larda noma'lum haydovchi aniqlanmagan avtomashinani Baqay ko‘chasida haydab ketayotib piyoda, 1968 y.t. R.T.ni urib yuborib voqea joyidan ketib qolgan. 

Natijada R.T. jarohat olib voqea joyida vafot etgan. Ushbu yo‘l-transport hodisasini sodir qilgan haydovchi va uning avtomobili haqida biron-bir ma'lumotga ega bo‘lganlarni 102 telefon raqami orqali xabar berishlari so‘ralgan.