Roskomnadzor «VKontakte», «Yandeks», Twitter va Facebook IP-manzillarini blokladi

«VKontakte», «Yandeks», Twitter, Facebook va «Odnoklassniki» IP-manzillari Roskomnadzor tomonidan taqiqlangan saytlar reyestriga kiritildi. Bu haqda «Kommersant'» yozmoqda.

Xabar berilishicha, ro‘yxatdan shuningdek Yahoo va Liveinternet IP-manzillari ham joy oldi. Idora saytida xabar berilishicha, «VKontakte»ga tegishli bo‘lgan 87.240.129.133 manzili bloklangan. Shuningdek, ro‘yxatda Google'ning 33ta IP-manzili va Microsoft (29), Amazon (14) manzillari, «Yandeks» hamda Facebook’ning beshtadan manzili, Twitter’ning uchta va «Odnoklassniki»ning bitta manzili bor.

Usher2.Club yaratuvchisi va «Dremuchiy les» xosting-provayderi bosh direktori Filipp Kulinning so‘zlariga ko‘ra, reyestrdan MSK-IX internet-trafik almashish nuqtasi ham joy oldi, u tarmoq uskunalari va kompyuterlar ichki soatlari sinxronlashishiga javob beradi.

«Agarda IP-manzillarning bloklanishi atayin bo‘lsa, ikkinchi zarba bo‘ladi – bank aloqalari, yo‘naltirgichlar, DNS tizimi», - dedi Kulin.

U bu Roskomnadzorning emas, balki jinoyatchilarning xatti-harakati bo‘lishi mumkin ekanini ham istisno etmagan.

Eslatib o‘tamiz, avvalroq Roskomnadzor YouTube va Gmail bo‘yicha izoh bergandi.