Qoraqalpog‘istonda qamishni qayta ishlash va qog‘oz ishlab chiqarish zavodi quriladi

Qoraqalpog‘iston Respublikasi Xitoy Xalq Respublikasining Xunan provinsiyasi bilan savdo-iqtisodiy, investitsion, turistik va madaniy-ijtimoiy sohalarda hamkorlik qiladi, deb xabar bermoqda Kruz.

Xabarga ko‘ra, Xunan provinsiyasining bir nechta korxonasi shirinmiyani sotib olish bo‘yicha qiziqish bildirgan.

"Vishekrishi Tashkent" MChJ bir qator xitoylik kompaniyalar bilan artemiya tsistalarini eksport qilishga 500 ming AQSh dollarlik kelishuv qabul qildi.

Shuningdek, Xitoyning 20tadan ortiq korxona va kompaniya rahbarlari bilan alohida muloqot hamda muzokaralar o‘tkazildi.

Jumladan, Qoraqalpog‘iston hududida qamishni qayta ishlash va qog‘oz ishlab chiqarish bo‘yicha yirik zavod qurilishiga investitsiya kiritishga kelishuv qabul qilingan.