«Barselona» Messining 1000ta gol urganini e'lon qildi

«Barselona» klubi hujumchi Lionel Messi 1000ta gol marrasini zabt etganini e'lon qildi.

Messi «Barselona» tarkibida 687ta o‘yinda, shu jumladan, o‘rtoqlik o‘yinlarida ham 583ta gol urgan. Argentina terma jamoasida 123ta o‘yinda 61ta gol muallifi bo‘lgan. Argentina U20 tarkibida 18ta gol, Olimpiya terma jamoasida 2ta gol urgan.

Bundan tashqari, statistikaga bolalar futbolidagi ko‘rsatkichlar ham kiritildi. Messi Argentinaning «Nyuellz Old Boyz» klubida 234ta, «Barselona» bolalar jamoasida yana 105 marta raqib darvozasini ishg‘ol qilgan. Turli ko‘rgazmali va xayriya o‘yinlaridagi gollar inobatga olinmadi.