Buxoroda o‘zaro janjal bir insonning o‘limi bilan tugadi

Buxoro viloyatining Qorovulbozor tumanida jinoyat yuz berdi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.

Ma'lum bo‘lishicha, 29 aprel kuni soat 12.10larda Nurobod tumanida yashovchi H.M. Jarqoq cho‘l hududida o‘zaro janjal oqibatida Qashqadaryo viloyati Muborak tumanida yashagan I.O‘.ning boshi va badanining turli joylariga urib-tepib jarohat yetkazgan. 

Natijada I.O‘. voqea joyida vafot etgan. H.M. qo‘lga olingan.