Panama va Venesuela o‘rtasidagi aviaaloqa tiklandi

Panamaning Copa Airlines aviakompaniyasi 2 oylik tanaffusdan keyin 1 maydan Venesuela bilan aviaaloqani tikladi. Aviaaloqa ikki davlat o‘rtasidagi diplomatik inqiroz sababli to‘xtab qolgandi.

“Biz Panamadan Copa Airlines reysini qabul qilib oldik. Venesuelaga xush kelibsiz, biz dunyodagi eng ajoyib yo‘nalishlardan birimiz. Janubiy Amerikaga kirish eshigimiz”, deb ma'lum qilgan Karakasdagi “Mayketiya” aeroporti ma'muriyati tvitterda. 

Venesuela aprel boshida Panama bilan iqtisodiy munosabatlarni 90 kunga to‘xtatgandi. Bu sanksiyalar ostiga Sora Airlines aviakompaniyasi ham tushgandi.  

Panama ham Venesuela aviakompaniyalariga xuddi shunday taqiqlov kiritgan. Ikki davlat, shuningdek, o‘z elchilarini chaqirtirib olgandi.