AQSh va Xitoy KXDR yadroviy dasturni bekor qilmaguncha unga qarshi sanksiyalarni saqlab qoladi

AQSh prezidenti Donald Tramp va Xitoy raisi Si Tszinpin 8 mayda telefon orqali muloqot o‘tkazib, u davomida Shimoliy Koreya o‘zining yadroviy va raketa dasturlarini bartaraf etmaguncha Pxenyanga qarshi sanksiyalarni saqlab qolish kerakligi haqidagi fikrga kelishgan. 

Ta'kidlanishicha, Tramp va  Si Tszinpin o‘zaro manfaatga ega masalalar, jumladan Si Tszinpinning Shimoliy Koreya yetakchisi Kim Chen In bilan yaqinda o‘tgan uchrashuvi bo‘yicha fikr almashishgan. 

Bundan tashqari, Tramp xitoylik hamkasbiga muvozanatlashgan va Vashingtonga foydali AQSh va Xitoy o‘rtasidagi savdo hamda investitsiya munosabatlarini qo‘llab-quvvatlashini aytgan.