Ruhoniy Eron uranni boyitishni qayta boshlashga tayyorligini ma'lum qildi 

Eron prezidenti Hasan Ruhoniy eronlik yadrochilarga zarurat bo‘lgan vaqtda uranni boyitishni qayta boshlashga tayyor turishni buyurdi. 

“Men Atom energetikasi tashkilotiga zarurat bo‘lganda cheklanmagan miqdorda uranni boyitishni boshlashimizni buyurdim”, deb aytgan Ruhoniy AQShning Eron yadroviy kelishuvini tark etganiga javoban. 

Ruhoniy, shuningdek, tashqi ishlar vazirligiga bir necha hafta ichida yadroviy kelishuvning qolgan a'zolari, ya'ni Yevropa davlatlari, Rossiya va Xitoy bilan muzokaralar o‘tkazish topshirig‘ini bergan.

AQSh prezidenti Donald Tramp 8 may kuni AQShning Eron yadroviy kelishuvidan chiqishini ma'lum qildi.