Turkiya AQShning Eron bilan yadroviy kelishuvdan chiqishiga munosabatini bildirdi

Turkiya tashqi ishlar vazirligi AQSh prezidenti Donald Trampning Tehron bilan yadroviy kelishuvdan chiqish qaroridan afsus bildirdi. 

“AQShning yadroviy kelishuvdan chiqishini muvaffaqiyatsiz qadam deb hisoblaymiz”, deb aytilgan Turkiya vazirligi bayonotida. 

Hujjatda ta'kidlanishicha, Turkiya Eron yadro muammosini diplomatik yo‘l bilan hal qilishni qo‘llab-quvvatlab kelgandi va bu yo‘nalishda ko‘plab sa'y-harakatlarni amalga oshirgandi.

Bayonotda aytilishicha, 2015 yilda qabul qilingan kelishuv yadroviy qurolni tarqatmaslik yo‘lidagi muhim qadam bo‘lgan.

“Xalqaro atom energiyasi agentligining (MAGATE) hisobotlari Eron tomonidan yadroviy kelishuv shartlari bajarilganini ko‘rsatgan. Shundan kelib chiqib, AQShning yadroviy kelishuvdan chiqishini muvaffaqiyatsiz qadam deb hisoblaymiz”, deb aytilgan vazirlikda.