Rossiya: xorijda yadro sinovlarini yashirish bo‘yicha ishlanmalar bor

Rossiya Mudofaa vazirligi Maxsus nazorat xizmati boshlig‘i polkovnik Igor Tokarevning ma'lum qilishicha, xorijda yadro sinovlarini yashirishga yo‘naltirilgan ishlanmalar takomillashtirilmoqda. Bu haqda RIA «Novosti» xabar bergan.

«Texnik jihatdan bunday sinovlarni maxfiy tarzda o‘tkazish oson, hamda bu yo‘nalish bo‘yicha ishlanmalar bor va takomillashtirilmoqda», - dedi Tokarev.

Uning so‘zlariga ko‘ra, yadro sinovlarini yashirish choralari orasida yadro zaryadlari quvvatini pasaytirish, zaryad qo‘yish chuqurligini oshirish va seysmik to‘lqinlar paydo bo‘lish ehtimolini pasaytiruvchi geologik jinslar orasida sinovlar o‘tkazish bor.

Shuningdek, Maxsus nazorat xizmati rahbarining ta'kidlashicha, Rossiyada yadro sinovlarini kuzatib borish bo‘yicha yangi usullar rivojlanmoqda.

Eslatib o‘tamiz, avvalroq Tramp nima yadroviy urushga olib kelishini aytgandi.