Facebook o‘z kriptovalyutasini  ishga tushirish niyatida

Facebook o‘z kriptovalyutasini ishga tushirish niyatida. Bu haqda Cheddar portali kompaniyadagi vaziyatdan xabardor manbalarga asosan ma'lum qildi.

Kriptovalyuta ijtimoiy tarmoq doirasida elektron to‘lovlarni amalga oshirish uchun mo‘ljallangan bo‘ladi. Manbalar so‘zlariga ko‘ra, Facebook’ning bu sohadagi ishi yillar davomida cho‘zilib ketishi mumkin hamda blokcheyn va kriptovalyutalar ustida ishlovchi boshqa kompaniyalarni xarid qilishni talab qiladi.

Shu bilan birga, ta'kidlanishicha, Facebook’da, Telegram’dan farqli tarzda, ICO o‘tkazish rejalari yo‘q, ya'ni kompaniya tokenlarning cheklangan miqdorini ommaviy sotuvga qo‘ymaydi.

Eslatib o‘tamiz, avvalroq AQShda Facebook’dagi «Rossiya ishi» bo‘yicha reklama e'lon qilinishi xabar berilgandi.