Andijon viloyatida yo‘l harakati qoidasiga rioya qilmaslik qotillikka sabab bo‘ldi

Joriy yilning 13 may kuni Andijon viloyatida qotillik sodir bo‘ldi, deb xabar bermoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Qayd etilishicha, viloyatning Qo‘rg‘ontepa tumanida yashovchi T.O. o‘zining “Lada” rusumli avtomashinasini Mustaqillik ko‘chasida boshqarib ketayotib, o‘zidan oldinda harakatlanib ketayotgan Jalaquduq tumani yashagan Q.P. boshqaruvidagi “Matiz” rusumli avtomashinasida unga yo‘l bermaganligi uchun o‘zaro janjallashib T.O. Q.P.ning chap ko‘krak qismiga pichoq bilan urib jarohat yetkazgan. 

Natijada Q.P. kasalxonaga yotqizilgan va ko‘rsatilgan tibbiy muolajalariga qaramay vafot etgan. T.O. qo‘lga olingan.