Bosqinchilik uchun shartli jazo o‘tayotgan shaxs yana bosqinchilik sodir etdi

Buxoro shahrida jinoyat yuz berdi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Qayd etilishicha, 2018 yil 20 aprel kuni soat 05.00larda, noma'lum shaxs G‘oziyon ko‘chasida yashovchi G.X. ismli ayolning uyiga tomdan oshib o‘tish yo‘li orqali bostirib kirib, uni yuziga qo‘llari bilan urib, pullari, zargarlik buyumlari, qo‘l soati va mobil telefonini olib, voqea joyidan yashiringan. 

Ko‘rilgan choralar natijasida ushbu jinoyatni Buxoro tumanida yashovchi shartli ravishda jazo muddatini o‘tayotgan G‘.O‘. sodir etganligi aniqlanib ushlangan.