Qashqadaryoda sel oqibatida 5 kishi halok bo‘ldi

Foto: Ijtimoiy tarmoqlardan

O‘zbekiston Respublikasining Qashqadaryo viloyatida yuzaga kelgan sel oqimi oqibatida besh kishi halok bo‘ldi. Bu haqda FVV axborot xizmati xabar bermoqda.

«Joriy yilning 16 may kuni Qashqadaryo viloyati Favqulodda vaziyatlar boshqarmasidan olingan ma'lumotga asosan, shu kuni soat 06:30larda Chiroqchi tumani, «Mirzato‘q» MFY, «Sariqqamish» qishlog‘ida kuchli yomg‘ir natijasida sel oqimi yuzaga kelgan. Favqulodda vaziyat natijasida 5 nafar inson halok bo‘lgan», - deyiladi xabarda.

Eslatib o‘tamiz, avvalroq Qashqadaryoda kuchli yomg‘ir tufayli 4ta xo‘jalikni suv bosgani xabar qilingandi.