Hukumat qarori: Marg‘ilonda Erkin Vohidov nomidagi maktab-internat tashkil etiladi 

Farg‘ona viloyati Marg‘ilon shahrida Erkin Vohidov nomidagi ona tili va adabiyoti fanini chuqur o‘qitishga hamda xorijiy tillarga ixtisoslashtirilgan maktab-internatni tashkil etish to‘g‘risidagi hukumat qarori qabul qilindi. Bu haqda “Huquqiy axborot” telegram-kanalida xabar berilgan.

Qarorga muvofiq, Marg‘ilon shahrida 210 o‘rinli maktab-internat tashkil etiladi. 

2018-2019 o‘quv yilida maktab-internatning 5-8-sinflariga, 2019-2020 o‘quv yilidan boshlab esa 5-sinfiga 30 nafardan o‘quvchi qabul qilinadi.

Mazkur maktab-internatni tashkil etishdan O‘zbekiston xalq shoiri, O‘zbekiston Qahramoni Erkin Vohidov nomini abadiylashtirish, shoir izdoshlarini kashf etish va ularning o‘z iste'dodlarini keng namoyon qilishlari uchun shart-sharoitlar yaratishdan iboratdir.