Video: Ostonada minorali kran qulab tushdi

Qattiq shamol turgan vaqtda Ostona shahrida minorali kran qulab tushdi. Ijtimoiy tarmoqlarda ushbu hodisa videosi tarqalgan.

Favqulodda vaziyatlar departamentidagi manba bergan ma'lumotga ko‘ra, bu vaqtda qurilish kompaniyasiga tegishli kran Turkiston ko‘chasidagi obektda demontaj ishlari amalga oshirayotgandi.

Hodisa oqibatida jabrlanganlar borligi haqida ma'lumotlar yo‘q.

Kuchli yomg‘ir va shamol Ostonada kunning ikkinchi yarmida kuzatila boshlangan. Qozog‘iston poytaxtida tongda kun issiq edi, kunning ikkinchi yarmida esa birdan osmonni qora bulut qoplagan va do‘l yog‘a boshlagan.