Sudlanganligi olib tashlangan shaxs ichki ishlar idoralariga ishga kirishi mumkinmi?

Ichki ishlar organlarida xizmatni o‘tash tartibi to‘g‘risidagi nizomga muvofiq ba'zi toifadagi fuqarolar ichki ishlar organlariga xizmatga qabul qilinishi mumkin emas, deb yozmoqda “Huquqiy axborot” kanali.

Ular quyidagilar: 

belgilangan tartibda muomalaga layoqatsiz yoki muomala layoqati cheklangan deb topilgan;

ichki ishlar organlarida xizmatni o‘tashga to‘sqinlik qiladigan kasalligi yoki jismoniy nuqsonlari bo‘lgan;

boshqa davlat organlaridan salbiy sabablarga ko‘ra bo‘shatilgan;

sodir etgan jinoyati uchun muqaddam sudlangan (qo‘llanilgan jazo turidan, sudlanganlik holati tugallangan yoki olib tashlangan va amnistiya akti qo‘llanilgandan qat'i nazar).