«O‘zi aniq edi». Merkel Rossiya G8’ga qaytarilmasligini ma'lum qildi

Germaniya kansleri Angela Merkelning ma'lum qilishicha, ayni damda Rossiya tomonining G8 («katta sakkizlik»)ka qaytishi imkonsiz narsadir. Uning Bundestag deputatlari savollariga qaytargan javoblari Bild tomonidan translyatsiya qilindi.

Merkelning so‘zlariga ko‘ra, G7 a'zolari xalqaro tartibga rioya etish tarafdorlari sanaladi, Rossiya tomonidan Qrim yarim orolining qo‘shib olinishi esa xalqaro huquq normalarining aniq buzilishidir.

«Rossiyaning G8 shaklidan chiqarib yuborilishi aniq edi hamda buning oldini olib bo‘lmasdi», - deya ma'lum qilgan Merkel.

Uning qo‘shimcha qilishicha, Rossiya tomoni bilan muloqot davom ettirilmoqda.

Eslatib o‘tamiz, avvalroq Putin Rossiya shohi emasligini ma'lum qilgandi.