Prezident tashrif buyurgan harbiy qismda jangovar tayyorgarlik mashg‘ulotlari o‘tkazilmoqda

Andijon shahrida joylashgan harbiy qism harbiy xizmatchilari o‘quv yili rejasiga asosan 5 kunlik jangovar tayyorgarlik mashg‘ulotlariga jalb etildi. Bu haqda Mudofaa vazirligi Matbuot xizmati xabar bermoqda.  

Harbiylar o‘zlariga biriktirilgan qurol-aslahalar bilan maydonda saf tortgan harbiy xizmatchilarga batalon komandiri tomonidan harbiy-siyosiy vaziyat, shartli dushman va uni yengish usullari yetkazildi hamda jangovar buyruq berildi. Qisqa vaqtda tayyorlangan shaxsiy tarkib 30dan ziyod jangovar texnikalarda 120 km masofaga marsh yurdi. 

Dala o‘quv maydoniga yetib kelgan bo‘linmalar bilan 10ta o‘quv joyida amaliy mashqlar tashkil etildi. Taktika, topografiya, muhandislik, ommaviy qirg‘in qurollaridan himoyalanish, aloqa tayyorgarligi, jangovar mashinalarni boshqarish, qurollardan kunduzi va tunda  o‘q otish bo‘yicha o‘tkazilgan harbiy mashqlar harbiylarning bilim va malakasini oshirishga xizmat qildi.