Avtomashina ehtiyot qismlari uchun 5000 dollar olgan firibgar ushlandi - IIV

7 iyun kuni Toshkent shahrining Yunusobod tumanida IIBga tushgan hujjatlarga ko‘ra, 2017 yil 25 iyun kuni fuqaro V.Sh. Yunusobod tumanida yashovchi N.Ch. ismli ayolga avtomashina ehtiyot qismlarini olib kelib, birgalikda sotib, daromad ko‘rishligini aytib aldagan. 

O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabariga ko‘ra, u ushbu fuqarodan 5 000 AQSh dollarini olib, bergan va'dasini bajarmay shu kunga qadar olgan pullarini qaytarib bermay, o‘z ehtiyojlari uchun ishlatib yuborganligi ma'lum bo‘lgan. 

Ko‘rilgan choralar natijasida V.Sh. ushlangan.