Putin Pokiston va Hindiston a'zo bo‘lganidan so‘ng ShHT tuzilmasini optimal deb atadi

Pokiston va Hindiston qo‘shilganidan so‘ng Shanxay hamkorlik tashkiloti tuzilmasi optimal holatga keldi, endi esa bu qanday ishlashini baholab, shundan so‘ng kengaytirish kontekstida keyingi qadamlar haqida o‘ylash kerak, degan RF prezidenti Vladimir Putin.

«Kengayishga to‘xtaladigan bo‘lsak, biz hozir paydo bo‘lgan tuzilma optimal ko‘rinishga ega, degan to‘xtamga keldik. Biz tashkilot mana shu kengaytirilgan tarkibda qanday ishlashini ko‘rishimiz kerak», — degan matbuot anjumanida Putin.

RF prezidentining eslatishicha, mazkur sammit Pokiston va Hindiston ishtirokidagi birinchisi bo‘ldi. «Bu qanday ishlashini ko‘rib chiqishimiz kerak, shundan so‘ng hamkasblarimiz bilan tahlil qilib, tashkilotni kengaytirish bilan bog‘liq keyingi qadamlar bo‘yicha qarorlar qabul qilamiz», — degan u.

«Men Pokiston va Hindiston hisobiga Shanxay hamkorlik tashkilotini kengaytirishga kelishib olganimizni olqishlayman va umid qilamanki, mintaqaning barcha mamlakatlari ushbu tashkilotdan ko‘ptomonlama formatda va ikki tomonlama masalalarni yechishda chuqurroq foydalana boshlaydi», — deya qo‘shimcha qilgan Rossiya yetakchisi.