JCh-2018. Portugaliya hamda Ispaniya terma jamoalari durang o‘ynadi. Eron guruh peshqadami

Jahon chempionati B guruhining markaziy o‘yini bo‘lgan Portugaliya hamda Ispaniya terma jamoalar o‘rtasidagi bahs gollarga boy durang bilan yakunlandi. Sochidagi "Fisht" stadionida kechgan uchrashuv 3:3 hisobi bilan nihoyasiga yetdi. 

Ispanlar safida Diyegu Kosta dubl qayd etgan bo‘lsa, yana bir golga Nacho mualliflik qildi. Portugaliyaning barcha gollari Krishtianu Ronaldu tomonidan kiritildi. 

Birinchi turdan so‘ng 3 ochko to‘plagan Eron guruhda peshqadamlik qilmoqda. Ikkinchi o‘rinni egallab turgan Portugaliya hamda Ispaniya hisobida 1 ochkodan bor. To‘rtinchi o‘rinda qolgan Marokash terma jamoasi esa hali ochko ishlamagan. 

JCh-2018. V guruhi

Portugaliya – Ispaniya – 3:3 (2:1)

Gollar: Krishtianu Ronaldu, 4 – s penalti (1:0). Diyegu Kosta, 24 (1:1). Krishtianu Ronaldu, 44 (2:1). Diyegu Kosta, 55 (2:2). Nacho, 58 (2:3). Krishtianu Ronaldu, 88 (3:3).

Portugaliya: Ruy Patrisiu, Sedrik Suarish, Joze Fonti, Pepe, Rafael Gerreyru, Bernardu Silva (Kuarejma, 69), Joau Moutinyu, Villiam Karvalyu, Brunu Fernandesh (Joau Mariu, 68), Gonsalu Gedesh (Andre Silva, 80), Krishtianu Ronaldu.

Ispaniya: de Xea, Nacho, Pike, Serxio Ramos, Jordi Alba, Silva (Vaskes, 86), Buskets, Koke, Isko, Inesta (Tiagu Alkantara, 70), Diyegu Kosta (Aspas, 77).

Ogohlantirishlar: Buskets, 17. Brunu Fernandesh, 28.