Yaman xalqi tinchlik talab qilmoqda

Bugunga qadar Yamanda hukumat va "Ansorulloh" harakati o‘rtasida tinchlik o‘rnatishning real imkoniyatlari bo‘lmagan. Mamlakat prezidenti maslahatchisi Abdulmalik Al-Mixlafiy Twitter'da shu haqida xabar berdi.

"Yaman xalqi tinchlikni talab qilmoqda, hukumat ham, arab koalitsiyasi ham shunga erishish tarafdori", - deb yozadi Mixlafiy. 

Maslahatchining hisoblashicha, faqatgina "Ansorulloh" harakati isyonchilari qurolsizlantirilganidan keyingina Yamanda tinchlik haqida gapirish mumkin bo‘ladi.

Al-Mixlafiy bundan avval xusiylar BMTning Yamandagi maxsus elchisi Martin Griffit tomonidan taklif qilingan tinchlik shartlariga rozi bo‘lishmaganini yodga soldi. 

Yamanda 2014 yildan buyon qurolli nizolar davom etib kelmoqda. Unda bir tomondan - "Ansorulloh" shia harakati isyonchilari, ikkinchi tomondan - sobiq prezident Ali Abdulloh Solihning tarafdorlari, yana boshqa tomondan esa amaldagi prezident Abdurabbu Mansur Xadiyga xizmat qiluvchi hukumat qo‘shini ishtirok etmoqda.