Toshkent viloyatida o‘rnatilgan yangi foto va videoradarlar 68 mingdan ortiq qoidabuzarlikni qayd etdi

M39 «Almata-Bishkek-Toshkent-Termiz» avtomobil yo‘li va A373 «Toshkent-O‘sh» avtomobil yo‘li hamda 4R12 «Bektemir-Chorbog‘» avtomobil yo‘llariga yangi namunadagi maxsus avtomatlashtirilgan foto va video qayd etish texnika vositalari o‘rnatilib, ishga tushurilgan, bu haqida ommaviy axborot vositalari orqali haydovchilar ogohlantirib kelinmoqda. Toshkent viloyati IIB YHXB Matbuot xizmati xabariga ko‘ra, ushbu ogohlantirishlarga qaramasdan, 2018 yilning 16 fevral kunidan 19 iyun kuniga qadar 68 mingdan ortiq qoidabuzarliklar qayd etilgan.

Qoidabuzar haydovchilar tomonidan asosan belgilangan jarimalarni to‘lash tartibi, qoidabuzarlik holati, to‘lov amalga oshirilgandan so‘nggi holati haqidagi savollarga javoban quyidagi ma'lumotlarni taqdim qilingan:

Qoidabuzarlik sodir etilgani xaqidagi ma'lumotni olish uchun, 8860 qisqa raqamiga transport vositasini qayd etish guvohnomasi seriya raqami SMS orqali yuboriladi, qisqa muddat ichida SMS orqali qoidabuzarlik xaqidagi ma'lumot (sodir etilgan sana va jarima miqdori) keladi;

Qoidabuzarlik bo‘yicha belgilangan jarimalar Bank muassasalaridan «Munis» tizimida, plastik kartadan «Click», «PayMe» ilovalari orqali to‘lovlar amalga oshirilishi mumkin.

«Haydovchilar qarzdorligi bo‘yicha chiqarilgan qarorning seriya va raqamlarini to‘liq kiritishlari lozim, masalan qarorning yuqori qismida quyidagi raqam mavjud (RA 00000000001) ushbu raqam kiritilganda, transport vositasining davlat raqam belgisi va egasining I.F.Sh hamda qancha jarima to‘lashi haqida ma'lumot to‘liq chiqadi va shu tartibda to‘lov amalga oshiriladi.

Eslatib o‘tamiz, ma'muriy javobgarlik to‘g‘risidagi kodeksining 291-moddasi talablari asosida 60 kun muddat ichida  jarimalarni to‘lamaslik, jarima to‘lagunga qadar transport vositasini jarima maydoniga qo‘yishga asos bo‘ladi», deyilgan Toshkent viloyati IIB YHXB Matbuot xizmati xabarida.