Komil Allamjonov «Ozodlik Radiosi» vitse-prezidenti va bosh muharriri bilan uchrashdi 

O‘zbekiston Respublikasi prezidentining matbuot xizmati rahbari Komil Allamjonov «Ozodlik Radiosi» vitse-prezidenti va bosh muharriri Nenad Pejich bilan uchrashdi.

Uchrashuv chog‘ida hamkorlik bo‘yicha fikr almashildi. Matbuot erkinligi O‘zbekiston Respublikasi prezidenti siyosatining ustuvor yo‘nalishlaridan ekanligi, mamlakatda oshkoralik muhiti, materiallardagi xolis tahlil va tanqid qo‘llab-quvvatlanishi ta'kidlandi.
 
- Biz O‘zbekiston prezidenti Shavkat Mirziyoyev mamlakatni olg‘a boshlayotganini ko‘rib turibmiz. Bu chuqur hurmatga sazovor, - deya aytib o‘tdi «Ozodlik Radiosi» vitse-prezidenti va bosh muharriri Nenad Pejich.