Mumbayda Hindiston hukumatiga qarashli samolyot uy ustiga quladi

Hindistonda mamlakat hukumatiga qarashli bo‘lgan samolyot quladi. Bu haqda Bloomberg xabar bermoqda.

Politsiya ma'lumotlariga ko‘ra, samolyot Mumbay shahrining aholi zich bo‘lgan tumaniga qulagan, u shahardagi moliyaviy va ko‘ngilochar markaz ekani aytilyapti.

Ta'kidlanishicha, mahalliy kanallar laynerning yonayotgan parchalari tasvirlangan kadrlarni ko‘rsatmoqda. NDTV ma'lumotlariga ko‘ra, bortda taxminan o‘n kishi bo‘lgan, ulardan uch nafari ro‘y bergan voqea sababli halok bo‘ldi.

Aniqlik kiritilishicha, voqea Gatkopar tumaniga yaqin joyda, samolyot qo‘nishga chog‘lanayotgan paytda yuz bergan. Layner uy qurilayotgan yerga qulab tushgani xabar qilinmoqda.