Qo‘qonda o‘z do‘stini 293 mln so‘mga «uxlatgan» shaxs qo‘lga olindi

Farg‘ona viloyatining Qo‘qon shahrida jinoyat yuz berdi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Qayd etilishicha, 19 iyun kuni xususiy tadbirkor M.H. IIBga murojaat qilib, shu yil fevral va may oylarida tanishi, U.Valiy ko‘chasida yashovchi, Sh.V. birga tadbirkorlik qilamiz, deb aldov yo‘li bilan ishonchiga kirib, uning 293 000 000 so‘m pulini olib, bergan va'dasini bajarmay pullarni o‘z ehtiyojlari uchun ishlatib yuborganligini ma'lum qilgan. 

Holat yuzasidan ko‘rilgan choralar natijasida Sh.V. qo‘lga olindi.