Neymar jahon chempionati davomida qancha vaqtini maydonda yotib o‘tkazgani hisoblab chiqildi

RTS Sport portali Braziliya terma jamoasi yulduzi Neymar jahon chempionati doirasidagi to‘rtta o‘yin davomida 14 daqiqaga yaqin vaqtini maydonda yotib o‘tkazganini hisoblab chiqdi.

Jahon chempionati boshlanganidan buyon eng ko‘p qo‘pollik aynan unga nisbatan ishlatilgan – 23 marta. Qo‘polliklardan so‘ng maydonga qulagan Neymar jami 13 daqiqayu 50 soniya davomida chim ustida yotgan. Eng uzun “tanaffus” esa Meksikaga qarshi o‘yinda bo‘lgan – besh yarim daqiqa.

Eslatib o‘tamiz, 6 iyul kuni Braziliya terma jamoasi chorak finalda Belgiya termasiga qarshi maydonga tushadi. O‘yin Qozon shahrida bo‘lib o‘tadi.