Portugaliyada korrida taqiqlanmaydigan bo‘ldi 

Portugaliya parlamenti 6 iyunda korridani taqiqlash haqidagi qonun loyihasiga qarshi ovoz berdi. 

Ushbu qonun loyihasi Odamlar, hayvonlar va tabiat partiyasi deputati Andre Silva tomonidan taqdim qilingan. 

Korridaning taqiqlanishiga 230 deputatdan faqatgina 31 nafari ovoz bergan. Silva yig‘ilishda deputatlarni tanqid qilgan hamda ularning aksariyati uchun axloq tushunchasidan ko‘ra “iqtisodiy manfaatlar” ustunroq ekanligini aytgan.

Ispaniyadan farqli, Portugaliyadagi korridalarda 19-asr o‘rtalaridan buqani arenada o‘ldirish taqiqlangan, biroq tomoshadan keyin ular jonsizlantiriladi.