Janubiy Koreya terma jamoasi a'zosi «Tottenhem» bilan shartnomasini uzaytirdi

«Tottenhem» yarimhimoyachisi Son Xyong Min klub bilan shartnomasini 2023 yilgacha uzaytirdi. Bu haqda London klubi Twitter sahifasida ma'lum qilindi.

Janubiy Koreya terma jamoasi a'zosi «shporlar» safida 2015 yildan buyon to‘p surib keladi. «Bayyer»dan London klubiga kelgan koreys o‘shanda 2020 yilgacha amalda bo‘ladigan kelishuvni imzolagandi.

O‘tgan mavsumda 26 yoshli futbolchi APLning 37 o‘yinida maydonga tushib, 12ta gol hamda 6ta golli pas muallifi bo‘ldi. Chempionatni 3-o‘rinda tugatgan «Tottenhem» YeChL yo‘llanmasini qo‘lga kiritgan.