Farg‘onada er boshlagan pichoqbozlikni xotini davom ettirdi

Farg‘ona viloyatining Quva tumanida 20 iyul kuni “O‘raboshi” MFYda yashagan, muqaddam sudlangan D.S. uyida o‘zaro janjal oqibatida birga yashovchi rasmiy nikohsiz turmush o‘rtog‘i M.Sh.ning ikkala oyoq son qismini pichoq bilan jarohatlagan.

Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar bermoqda.

Shundan so‘ng, M.Sh. ham turmush o‘rtog‘ining bo‘yin va ko‘krak qismlariga pichoq urib jarohat yetkazgan.

Natijada D.S. voqea joyida vafot etgan. M.Sh. kasalxonaga yotqizilgan.