Avstraliyada Katta barer rifini saqlab qolish uchun osmonga tuz otishga qaror qilindi  

Avstraliya hukumati minglab sayyohlarni jalb qiluvchi, mamlakatning eng diqqatga sazovor joylaridan biri – Katta barer rifini global isish oqibatlaridan saqlashning yangi usullari qo‘llab ko‘rilishini e'lon qildi.  

YuNeSKOning butunjahon merosiga kiritilgan marjonqoyalar ikki yildan beri suvning juda yuqori haroratidan aziyat chekmoqda, bu ularning hayot faoliyatiga salbiy ta'sir ko‘rsatadi.    

Shu sababli avstraliyalik olimlar haroratni pasaytirishning turli usullarini, jumladan marjonqoyaning ustini quyosh ekrani bilan qoplash taklifini ko‘rib chiqishmoqda.

Shuningdek, bulutlarni tuz bilan bombardimon qilish usuli ham qaralmoqda. Tuz kristallari quyosh nurlarini qaytarishi kutilmoqda.