O‘zbekiston "Global qullik indeksi"da 69-o‘rinni egalladi

Walk Free Foundation inson huquqlari tashkiloti tomonidan tuzilgan Global qullik indeksida (The Global Slavery Index 2018) O‘zbekiston 69-o‘rinni egalladi.

Tadqiqotga ko‘ra, O‘zbekistonda 160 ming kishi, yoki ming nafar aholiga 5,18 kishi majburiy mehnat bilan shug‘ullanadi.

Tadqiqotlar dunyoning 167 mamlakatida o‘tkazildi.

Shu bilan birga, Turkmaniston reytingda 17-o‘rinni, Tojikiston - 75, Qozog‘iston - 83 va Qirg‘iziston 85-pog‘onani egallab turibdi.

Global qullik indeksida birinchi o‘rinni Shimoliy Koreya egallagan. Ushbu mamlakatda 2,6 million kishi majburiy mehnat bilan mashg‘ul.

Eritreya, Burundi, Markaziy Afrika Respublikasi, Afg‘oniston, Mavritaniya, Shimoliy Sudan, Pokiston, Kamboja va Eron ham eng yomon o‘nlikka kirgan.