“Zomin Sunrise” da farzandingiz yozgi ta'tilni foydali va maroqli o‘tkazishini xohlaysizmi?

Joriy avgust yozgi ta'tilning uchinchi oyi sifatida oromgohlarning bolalar bilan gavjum davri hisoblanadi. Bunday paytda o‘z farzandiga unutilmas taassurot va yorqin xotiralarni taqdim etishni istagan ota–onalar farzandlarini yozgi oromgohlarga kuzatadilar.

Jizzax viloyati, Zomin tumanida joylashgan so‘lim “Zomin Sunrise” yozgi oromgohi bolajonlarga ana shunday yozgi, maroqli xordiqni kafolatlaydi. Bu yerda 7 yoshdan 14 yoshgacha bo‘lgan bolalar uchun aqliy rivojlantiruvchi, ijodiy va intellektual to‘garaklar tashkil etilgan.

Shuningdek, zamonaviy, shinam turar joy va bolalar basseyni, 10dan ortiq sport to‘garaklari ham mavsum davomida o‘quvchilar xizmatida bo‘ladi. Shuni alohida ta'kidlash kerakki, “Zomin Sunrise” bouling va o‘yin avtomatlari mavjud bo‘lgan O‘zbekistondagi ilk oromgoh hisoblanadi.

Bolalar oromgohi faoliyati davomida ijtimoiy foydali aksiyalarga ham o‘z hissasini qo‘shib kelmoqda.

Jumladan, 2017 yilda Prezident Shavkat Mirziyoyev tashabbusi bilan faoliyati yo‘lga qo‘yilgan Jizzax shahridagi Hamid Olimjon va Zulfiya nomli, Andijon shahridagi Muhammad Yusuf nomli, Qarshi shahridagi Abdulla Oripov nomli hamda Qoraqalpog‘iston Respublikasidagi Ibroyim Yusupov nomli ona tili va adabiyot fanini chuqurlashtirib o‘qitishga ixtisoslashtirilgan maktab-internatlari va «Zomin Sunrise» bolalar oromgohi o‘rtasida imzolangan Memorandum asosida iqtidorli o‘quvchilariga yozgi ta'tilni o‘tkazish uchun 10tadan bepul yo‘llanmalar ajratildi.

Hozirda oromgohda taqdim etilgan ana shunday bepul yo‘llanma asosida 5-mavsum ishtirokchilari, Qoraqalpog‘iston Respublikasida Ibroyim Yusupov nomli maktabning iqtidorli o‘quvchilari dam olishmoqda.

Bunga qadar 1 mavsumda Jizzax shahridagi Hamid Olimjon va Zulfiya nomli, 2 mavsumda Andijon shahridagi Muhammad Yusuf, 3 mavsumda Qashqadaryo viloyatidagi Abdulla Oripov nomli maktab-internatlarining iqtidorli o‘quvchilari oromgohda unutilmas yozgi tatilni o‘tkazishgan edi.

Musaffo tog‘ havosi, ajoyib manzara, estradamizning yorqin yulduzlari ishtirokidagi qiziqarli kotssert dasturlari va albatta, professional murabbiylar jamoasi – bularning hammasi bolajonlarga haqiqiy ma'noda unutilmas damlarni taqdim etadi.

Aziz ota onalar, shoshiling! Yo‘llanmalar soni cheklangan. “Zomin Sunrise”ning oxirgi 6 mavsumiga yo‘llanmalar (07.08.2018-19.08.2018) harid qilishga ulguring. Yozgi ta'til farzandingizga quvonch olib kelsin.