Starbucks qahvaxonalarida mijozlar kriptovalyutalarda hisob-kitob qilishlariga ruxsat beriladi

Starbucks kompaniyasi tez orada mijozlariga hisob-kitob qilishda kriptovalyutalardan foydalanish imkonini beradi.

Kompaniya bu loyihada unga Microsoft korporatsiyasi va Intercontinental Exchange kompaniyasi hamkorlik qilishini bildirdi. Ular kriptovalyutalarni saqlash hamda almashtirishga mo‘ljallangan Bakkt platformasini yaratishadi.

Starbucks o‘z qahvaxonalarida kriptovalyutalarni to‘lov vositasi sifatida o‘zi qabul qilmoqchi emas. Vositachi sifatida Bakkt qo‘llaniladi. U kriptovalyutalarni dollarga avtomatik ravishda almashtiradi.

Ishlab chiqaruvchilar platformani shu yilning noyabrida ishga tushirishni mo‘ljallamoqda. Starbucks hozircha Bakkt’ga qachon ulanishini ma'lum qilmadi.