Denis Istomin Osiyo o‘yinlari g‘olibiga aylandi

Indoneziyadagi Osiyo o‘yinlari doirasida yettinchi kun bahslari o‘tkazilmoqda.

Tennis bo‘yicha bahslarda Denis Istomin finalda xitoylik Yibing Vuni 2:6, 6:2, 7:6 hisoblarida mag‘lub etdi va Osiyo o‘yinlarining oltin medalini qo‘lga kiritdi.

Shu tariqa, O‘zbekiston tennis jamoasi turnirda bitta medal bilan kifoyalandi.

Endilikda O‘zbekiston delegatsiyasi hisobidagi oltin medallar soni 5taga yetdi. Ayni vaqtda Osiyo o‘yinlari umumiy reytingida O‘zbekiston delegatsiyasi 5 oltin, 10 kumush va 7 bronza bilan o‘ninchi o‘rinda joylashgan.

Yengil atletikaning balandlikka sakrash saralash bahslarida ishtirok etgan hamyurtimiz Dmitriy Melsitov 2,15m natija ko‘rsatdi va finalga yo‘l oldi. Medallar uchun bahsi 27 avgust kuni bo‘lib o‘tadi.