«Formula-1»ning Belgiyadagi bosqichi g‘olibi aniqlandi

“Formula-1”ning Ferrari jamoasi a'zosi nemis Sebastyan Fettel avtopoyganing Belgiya Gran-prisi g‘olibi bo‘ldi. 

Marraga ikkinchi bo‘lib britaniyalik Lyuis Xemilton (Mercedes), uchinchi bo‘lib gollandiyalik Maks Ferstappen (Red Bull) yetib keldi.

Umumiy hisobda poygada Xemilton 231 ochko bilan yetakchilik qilmoqda. 2-o‘rinni Fettel (214 ochko), 3-o‘rinni fin Kimi Raykkonen (146) egallamoqda.

Konstruktorlar kubogida 375 ochko bilan Mercedes jamoasi peshqadamlik qilmoqda. 2-o‘rinda Ferrari (360) bormoqda.

Poyganing keyingi bosqichi 31 avgust-2 sentabr kunlari Italiyada bo‘lib o‘tadi.