Qoʻshimcha funksionallar
-
Tungi ko‘rinish
Osiyo o‘yinlari. Sadriddin Saymatov O‘zbekistonga yana bir bronza medal olib berdi
O‘zbekiston karate jamoasining -60 kg vazn toifasidagi vakili Sadriddin Saymatov Osiyo o‘yinlari bronza medali sovrindoriga aylandi.
Bronza uchun bahsda u vetnamlik Nguen van Haiga qarshi tatamiga chiqib, 8:1 hisobida g‘alaba qozondi va O‘zbekiston delegatsiyasi hisobiga yana bitta medal qo‘shib qo‘ydi.
Saymatov nimchorak finalda qozog‘istonlik Darxon Assadilovni, chorak finalda saudiya arabistonilik Sulton Jamal Alzahroniyni mag‘lub etgandi. Ammo u yarim finalda eronlik tajribali sportchi Amir Mahdizodaga 6:7 hisobida yutqazib qo‘ydi.
Bugungi bahslarda o‘zbekistonlik yana ikki karatechi ishtirok etadi. Dastlab -61 kg vazn toifasida Barno Mirzayeva qirg‘izistonlik Kimbat Toytonovaga qarshi tatamiga chiqsa, -67 kg vazn toifasida Iqboljon Uzoqov saudiya arabistonilik Fahad Alxatami bilan kuch sinashadi.
Ayni vaqtda O‘zbekiston delegatsiyasi hisobidagi medallar soni 24taga yetdi - 5 oltin, 10 kumush va 9 bronza. O‘zbekiston hamon umumiy reytingda 10-o‘rinda qolmoqda.
Mavzuga oid
13:21 / 04.11.2023
O‘zbekiston karate assotsiatsiyasi tashkil qilinadi
12:02 / 21.10.2023
Karate milliy federatsiyasi negizida O‘zbekiston karate assotsiatsiyasi tashkil etiladi
07:29 / 24.09.2022
O‘zbekiston milliy karate federatsiyasiga yangi rahbar saylandi
07:41 / 18.07.2022