Sport | 17:00 / 28.08.2018
10989
1 daqiqa o‘qiladi

Yana bir oltin naqd. O‘zbekistonlik kurashchilar finalda o‘zaro raqib bo‘ladi

-66 kg vazn toifasidagi o‘zbekistonlik ikki kurashchi Osiyo o‘yinlari finaliga yo‘l oldi. 

Bitta vazn ikki sportchi, Ma'ruf G‘aybulloyev va Ruslan Bo‘riyev yarim final janglarida ham g‘alaba qozonib, finalga chiqdi.

Dastlab Ruslan Bo‘riyev xitoy taypeyilik Chan Xaochengga qarshi gilamga chiqib, 5:0 hisobida g‘alaba qozondi. -66 kg vazn toifasining ikkinchi yarim finalida esa Ma'ruf G‘aybulloyev eronlik Ganbari Ganbaralini taslim etdi - 10:0.

Endi G‘aybulloyev va Bo‘riyev finalda o‘zaro bellashadi. Bu esa O‘zbekiston delegatsiyasi hisobi bir oltin va bir kumush medal bilan boyishini anglatadi.

Mavzuga oid