Bojxonaga ishga kiritib qo‘yish uchun 4,8 ming dollar talab qilgan shaxslar ushlandi

Bosh prokuratura huzuridagi Departamentning Farg‘ona viloyat boshqarmasi xodimlari tomonidan tezkor tadbir o‘tkazildi, deb xabar qilmoqda mahkama matbuot xizmati. 

Unda fuqarolar A. va B. fuqarolar Sh. va M.ni yuqori lavozimda ishlovchi tanishlari orqali davlat bojxona qo‘mitasi Farg‘ona viloyati boshqarmasiga ishga kiritib qo‘yish evaziga ulardan firibgarlik yo‘li bilan 4800 AQSh dollarini olgan vaqtida ashyoviy dalillar bilan ushlanganlar.

Mazkur holat yuzasidan A. va B.ga nisbatan jinoyat ishi qo‘zg‘atilib, tergov harakatlari o‘tkazilmoqda.