O‘zbekistondagi g‘orlardan birida dinozavrlar izlari topildi
Rossiya, Fransiya va Shveytsariya olimlari O‘zbekistonning Cho‘lbayir tog‘li hududidagi Boybuloq g‘ori atrofida dinozavrlarning izlarini aniqlashdi. Bu haqda ekspeditsiya rahbari, Yekaterinburg speleologlar klubi raisi Vadim Loginov ma'lum qildi.
"O‘zbekiston janubiga, Cho‘lbayir platosiga amalga oshirilgan xalqaro ekspeditsiya yakunlandi, unda Rossiya, Fransiya va Shveytsariyadan 25 nafar speleolog qatnashdi. Bizga Boybuloq va Aleksandr Vishnevskiy g‘orlarining bir-biri bilan bog‘langanligini o‘rganish taklif qilingandi. Biz Boybuloq g‘ori ustida dinozavrlar izlariga duch keldik. Hududda bunday izlarni bir necha yil izlagandik va ularni tasodifan topdik", - dedi u.
Loginovning aytishicha, ekspeditsiya natijasida 2 kilometrdan ortiq yangi yo‘llar ochilgan va g‘orlarning birlashishi bo‘yicha uchta asosiy yo‘nalish aniqlangan.
Ekspeditsiya Yekaterinburg shahri speleologlar klubi tomonidan tashkillashtirilgan bo‘lib, Ural speleologlar assotsiatsiyasi, Rossiya va Fransiya speleologlar ittifoqlari qo‘llab-quvvatlovi ostida amalga oshirildi.
Mavzuga oid
09:42 / 26.08.2023
Boy-buloq g‘ori chuqurligi rekord darajada «uzaydi»
11:01 / 20.07.2022
Surxondaryodagi tuz g‘origa zarar yetkazishi mumkin bo‘lgan holatlar mavjud - Madaniy meros agentligi
12:37 / 24.06.2022
Xonning harbiy hiylasi yoxud rus otryadining Xiva ostonasidagi halokati
13:50 / 28.10.2019