A Seriya. "Yuventus" "Parma"ni mag‘lub etdi. Ronaldu yana gol ura olmadi

Italiya chempionatining 3-turida "Yuventus" "Parma" maydoniga safar qilib, kichik farq bilan g‘alaba qozondi. "Ennio Tardini" stadionida kechgan o‘yin 1:2 hisobida mehmonlar foydasiga hal bo‘ldi.

Uchrashuvning 2-daqiqasida Manjukich hisobni ochgan bo‘lsa, 33-daqiqada Jyervino oradagi farqni yo‘qqa chiqarishga muvaffaq bo‘ldi. Mehmonlarga g‘alaba keltirgan gol 2-bo‘limning 13-daqiqasida Matyuidi tomonidan kiritildi. 

Parma – Yuventus 1:2 (1:1, 0:1)

Gollar: 0:1 – 2 Manjukich, 1:1 – 33 Jyervino, 1:2 – 58 Matyuidi.
Parma – Sepe, Yakoponi, Brunu Alvesh, Galolo, Gobbi, Rigoni (Deyola, 60), Shtulats, Barilla, Jyervino (da Krus, 61), Ingleze, Di Gaudio (Cheravolo, 80).
Yuventus – Shchensni, Kuadrado, Bonuchchi, Kellini, Aleks Sandro, Xedira (Dibala, 80), Pyanich (Djan, 73), Matyuidi, Bernardeski (Duglas Kosta, 55), Manjukich, Ronaldu.
Ogohlantirishlar: Pyanich (13), Bernardeski (40), Rigoni (45), Kuadrado (90).